Бул ҳаққында "Өзбекстан аэропортлары" АЖ хабар берди.
Атап өтилиўинше, улыўма аўырлығы 37 тоннаны қураған жанлы жүклер Қырғызстанның "КАП КГ" қәнигелестирилген жүк авиакомпаниясы тәрепинен алып келинген.
Режеге бола, октябрь айының ақырына шекем 60 пәрўаз әмелге асырылып, 50 мың бас майда қарамал жеткерип бериледи. Жылдың ақырына шекем улыўма көрсеткишти 100 мың басқа жеткериў ушын ноябрь ҳәм декабрь айларында да тап сондай көлемдеги жүк тасыў режелестирилген.
Қайтыў шеңберинде Өзбекстан мийўе-овошларын Монголияға 123 ҳаўа жүк рейслеринде жеткерип бериў режелестирилген. Барлық пәрўазлар Наўайы халықаралық аэропорты арқалы әмелге асырылады.
