Быйылғы жарыс өзбек оқыўшылары ушын тарийхый нәтийжелер менен жуўмақланды.
Жоқары дәрежедеги бәсекиге қарамастан, Өзбекстан сайланды командасының 2 ўәкили табыслы қатнасып, мәмлекетимизге 1 гүмис ҳәм 1 бронза медалын алып келди. Бул нәтийже Өзбекстанның информатика пәнинен халықаралық майдандағы потенциалы артып баратырғанынан дәрек береди.
Өзбекстан сайланды командасының нәтийжелери:
Асылбек Суннатов - 378.82 балл менен гүмис медаль ийесине айланды;
Улуғбек Раҳматуллаев - 308.12 балл менен бронза медалын қолға киргизди.
Бул жетискенлик, атап айтқанда, Асылбек Суннатовтың гүмис медалы - Өзбекстан тарийхындағы дәслепки гүмис медаль сыпатында атап өтилди.
Халықаралық информатика олимпиадасында дүнья бойлап жүзлеген қәбилетли оқыўшылар қатнасады. Олимпиада рәсмий нәтийжелери менен https://stats.ioinformatics.org/results/2025 мәнзили арқалы танысыў мүмкин.
