Қарарға бола, Риштан дәстүрий гүлалшылығы тарийхы мәмлекетлик емес музейи шөлкемлестириледи.
Төмендегилер музейдиң тийкарғы ўазыйпалары етип белгиленди:
музей буйымлары ҳәм коллекцияларын анықлаў, топлаў ҳәм сақлаў;
мәдений, ағартыўшылық, илимий ҳәм билимлендириў жумысын әмелге асырыў;
жасларды "устаз-шәкирт" дәстүрлери тийкарында гүлалшылық өнерине үйретиў;
гүлалшылықтың бай мәдений мийрасы, адамзат тарийхындағы ролин ҳақыйқый сәўлелендириў;
экспозицияларды шөлкемлестириўде заманагөй мәлимлеме технологияларынан кеңнен пайдаланыў;
сырт ел музейлери менен көргизбелер шөлкемлестириў бағдарында өз-ара пайдалы бирге ислесиўди орнатыў.
Музейди шөлкемлестириў бойынша жумысшы топар тастыйықланды ҳәм оның тийкарғы ўазыйпаларынан бири етип, музей концепциясын ислеп шығыў, тастыйықлаў ҳәм музей жумысын жолға қойыў белгиленди.
2025-жыл 1-апрельге шекем музейге ажыратылған имараттың категориясы музей жумысына толық бейимлестириледи.
