Сапар шеңберинде «ОТК Производство» компаниясының басшысы Артур Аракелян менен ушырасыў өткерилип, Тўрақўрғон районында үшинши ири тоқымашылық фабрикасын қурыў бойынша келисимге ерисилди.
Тәреплер атап өткениндей, жойбар россиялы инвестор ҳәм Наманган ўәлаяты арасындағы табыслы шериклик шеңберинде әмелге асырылмақта. Буннан алдын «ОТК Производство» компаниясы тәрепинен 40 миллион доллар инвестиция киргизилип, "Runamtex" бренди астында еки кәрхана шөлкемлестирилген, олар турақлы жумыс алып бармақта, айына 2-3 миллион долларлық өним экспорт етилмекте.
Жаңа жойбар 50 миллион доллар муғдарында тиккелей сырт ел инвестициясын өзлестириўди нәзерде тутады. Үшинши фабриканың қурылысы жуўмақланғаннан соң, ўәлаятта дерлик 1,5 мың жаңа жумыс орны жаратылады, жыллық експорт 35-40 миллион долларға жетеди.
Бул қәдем Наманган ўәлаяты сырт елли, соның ишинде, россиялы инвесторлар ушын барған сайын тартымлы болып атырғанының гезектеги тастыйығы болды.
Делегацияның сапары даўам етпекте. Оның шеңберинде Россия Федерациясының исбилерменлик ҳәм инвестициялық топарлары ўәкиллери менен жаңа ушырасыўлар өткерилиўи режелестирилген, деп хабар бермекте ўәлаят ҳәкимлигиниң мәлимлеме хызмети.
