Сөйлесиў даўамында Өзбекстан ҳәм ХМШ арасындағы бирге ислесиў байланысларының ҳәзирги жағдайы ҳәм перспективалары, сондай-ақ, әмелге асырылып атырған бир қатар әҳмийетли баслама ҳәм жойбарлар додаланды.
Соның ишинде, ҳәр жылы социаллық мийнет ҳуқықлары ҳәм басқа да бағдарларда ХМШ менен қол қойылып атырған келисимлер избе-из әмелге асырылып атырғаны атап өтилди. Буннан тысқары, Өзбекстанда "Стратегия - 2030" шеңберинде алып барылып атырған реформалар ХМШның тийкарғы бағдарлары ҳәм принциплерине толық сәйкес екени атап өтилди.
Сондай-ақ, ушырасыўда мүнәсип мийнет бойынша 2021-2025-жылларға мөлшерленген мәмлекетлик бағдарламаның әмелге асырылыўы бойынша пикир алысылды, деп хабар бермекте Олий Мажлис Сенатының баспасөз хызмети.
