Бул жәмийетшилик тыңлаўында халықты субсидия тийкарында арзан турақ жай менен тәмийинлеў бағдарында әмелге асырылып атырған жумыслар бойынша Экономика ҳәм қаржы министрлиги, Орайлық банк ҳәм басқа да жуўапкер шөлкемлердиң баянатлары тыңланды.
Сондай-ақ, сенаторлар тәрепинен ипотека кредити бойынша мәмлекетлик субсидияларды бериўдеги әдалатсызлық қәўиплерин баҳалаў бойынша өткерилген изертлеў нәтийжелери ҳәм оның нәтийжесинде ислеп шығылған усыныслар қызғын додаланды.
Атап өтилиўинше, тараўда ипотека кредитлерин бериў көлемин және де кеңейтиў, жеке меншик жумысты бөлип алып ислеўши шөлкемлерди раўажландырыў ушын зәрүр шараятларды жаратыў, турақ жай шараятларын жақсылаўға мүтәж шахсларды қоллап-қуўатлаўдың жаңа механизмлерин енгизиў, жер ресурсларынан ақылға уғрас пайдаланыў айрықша әҳмийетке ие.
Додалаўлар даўамында жетик илимпазлар ҳәм қәнигелердиң пикирлери тыңланды.
Мәжилис жуўмағында халықты турақ жай менен тәмийинлеўге қаратылған усыныслар улыўмаластырылып, жуўапкер министрликлер ҳәм уйымларға усыныўға қарар етилди, деп хабар береди Олий Мажлис Сенатының баспасөз хызмети.
