Бул турда Өзбекстан ўәкили Нодирбек Абдусатторов АҚШ ўәкили Фабиано Каруана менен дусласты. Қара даналарда ҳәрекет еткен Абдусатторов 19-жүристен кейин басланған тәкирарланыўшы комбинациялар себепли 23-жүристе қарсыласы менен теңбе-теңликке келисим берди.

Бүгин, 11-май күни өткерилетуғын 5-турда Нодирбек Абдусатторов ақ даналарда үй ийеси шахматшы - руминиялы Богдан-Даниэл Дякқа қарсы ойнайды.

5-тур алдынан турнир кестесине нәзер таслайтуғын болсақ, Фабиано Каруана 2,5 очко менен қосымша көрсеткишлер тийкарында жетекшилик етпекте. Нодирбек Абдусатторов болса 1,5 очко менен 9-орында бармақта.

Еслетип өтемиз, 9 турдан ибарат бул абырайлы жарыс 16-майға шекем даўам етеди. Жеңимпаз шахматшы 100 мың АҚШ доллары менен сыйлықланады.