Чемпионлыққа тийкарғы талабанлардан бири ҳиндстанлы Доммаражу Гукеш ақ даналарда ўатанласы Леон Люк Мендонканы жеңип шықты. 3-орында жүрген Рамешбабу Праггнанандҳа нидерландиялы Аниш Гириге имканиятты берип қойды. 5 очко менен кейинги басқышта жайласқан россиялы ҳәзир Словенияны қорғап атырған Владимир Федосеев ҳиндстан ўәкили Пентала Харикришнаны жеңди.
Әйне усы нәтийжелерден кейин Доммаражу Гукеш 6,5 очко менен жеке жетекшиликке айланды. 6 очкоға ийе Нодирбек Абдусатторов ҳәм Владимир Федосеев 2-ҳәм 3-орынларды ийелеп тур.
"Челленжер" топарындағы "урыслар" да келисимсиз түрде даўам етпекте. Журтласымыз Нодирбек Ёқуббоев кеше өткен 9-тур беллесиўинде нидерландиялы Ервин Л‘ами менен теңбе-тең ойнады.
Бүгин, 29-январь күни халықаралық турнирдиң 10-тур ойынлары шөлкемлестириледи. Онда Нодирбек Абдусатторов ақ даналарда 5 очкоға ийе сербиялы Алексей Сарана менен күш сынасады.
