Өзбекстан Республикасы Экология ҳәм климат өзгериўи миллий комитетиниң мағлыўматларына қарағанда, кислоталы шөкпелер атмосферада узақ ўақыт даўамында күкирт (SO₂) ҳәм азот (NOₓ) оксидлериниң топланыўы нәтийжесинде пайда болады. Бултларда бул затлар суў пуўы менен химиялық реакцияға кирисип, кислоталы бирикпелер пайда болады.
Бундай процеслер, бәринен бурын, санаат районлары ҳәм тиккелей патасландырыўшы элементлер шығарылатуғын зоналар ушын тән. Ҳаўа массалары узақ аралыққа көширилгенде атмосферадағы турбулентлик, вертикал араласыў, қурғақ ҳәм ығал шөгиндилер тәсиринде патасландырыўшы затлардың концентрациясы кескин азаяды.
Сонлықтан кислоталы шөкпелердиң қәўипли концентрацияларының деректен мыңлаған километр қашықлықта пайда болыўы дерлик мүмкин емес.
Буннан тысқары, жаўын-шашын муғдары булыт пайда болыўының жергиликли процесслери менен белгиленеди. Жаўын белгили бир аймақ үстиндеги тиккелей атмосферада жайласқан суў пуўы ҳәм аэрозоллардан пайда болады.
Метеорологиялық бақлаўлар ҳәм ҳаўа сапасы мониторинги мағлыўматларына бола, Өзбекстан ҳәм қоңсылас мәмлекетлер аймағына "кислота бултлары"ның өтиў қәўпи жоқ.
