Режеге муўапық, Академия төмендеги қәнигеликлер бойынша кадрлар таярлайды:
- аймақларды комплексли раўажландырыў;
- мәмлекетлик басқарыў;
- инсан ресурсларын раўажландырыў;
- мәмлекет сиясаты;
- мәмлекетлик қаржыларды басқарыў
Академия магистратурасына қабыллаў мәмлекетлик буйыртпа тийкарында мәмлекетлик грант қаржылары есабынан ҳәм төлемли-контракт тийкарында әмелге асырылады.
Мәмлекетлик буйыртпа тийкарында қабыллаўды шөлкемлестириў ушын талабанларды дәслепки таңлап алыў бойынша уйымлық комиссия дүзиледи.
Талабан уйымлық комиссияға төмендеги ҳүжжетлерди усыныўы керек:
- кейинги еки жылдағы жумыстың унамлы нәтийжелери ҳаққындағы мағлыўматлар;
- мағлыўматнама-объективка;
- талабанның қосымша жетискенликлери ҳаққындағы мағлыўматлар: илимий дәреже, илимий атақ, шет тиллерди билиўи ҳаққындағы сертификат ҳәм басқалар.
Магистратурада оқыўға усыныс етилген талабанлардың улыўма санының кеминде 30 процентин ҳаял-қызлар қураўы керек.
Академияда магистратура қәнигеликлери бойынша мәмлекетлик буйыртпа тийкарында таңлаў еки басқышта - тест сынағы ҳәм сәўбетлесиў арқалы әмелге асырылады.
Мәмлекетлик буйыртпа тийкарында мәмлекетлик грант тийкарында оқыўға усыныс етилген талабанларды Академия тыңлаўшыларына қабыллаў қабыллаў комиссиясының қарары тийкарында ректор буйрығы менен әмелге асырылады.
