Режеге муўапық, қоллап-қуўатлаў илажларын көрсетиўши шөлкем тәрепинен оларды көрсетиўде исбилермен ерисиўи зәрүр болған анық мақсетли көрсеткишлер белгиленеди.
Исбилерменлерге субсидия ажыратыў мониторинги «subsidiya.mf.uz» платформасы арқалы әмелге асырылмақта.
Нәтийжелиликти баҳалаўда дереклерден төмендеги избе-изликте пайдаланылады:
исбилерменниң финанслық, салық есабатлары;
тармақ уйымлары ямаса статистика уйымларының мағлыўматлары;
исбилермен тәрепинен усынылған қоллап-қуўатлаў илажларының нәтийжелери ҳаққындағы мағлыўматлар.
Нәтийжелилик ҳәр бир исбилермен ушын экономикалық, финанслық (бюджет) ҳәм социаллық өлшемлер бойынша өз алдына баҳаланады.
Исбилерменге берилген субсидиялар төмендеги жағдайларда қайтарылады:
исбилермен тәрепинен субсидия ҳаққындағы шәртнама (келисим) бойынша ерисилиўи зәрүр болған анық мақсетли көрсеткишлер орынланбағанда;
қаржылардан мақсетсиз ҳәм нәтийжесиз пайдаланыў анықланғанда;
субсидияларды тийкарсыз алыў, сондай-ақ, исбилермен тәрепинен исенимсиз ямаса бузылған мағлыўматлар ҳәм ҳүжжетлер усыныў жағдайлары анықланған жағдайда.
