Ушырасыўда Өзбекстан ҳәм Беларусь арасындағы дослық ҳәм исенимге тийкарланған қатнасықларды беккемлеў, парламентлераралық бирге ислесиўди буннан былай да раўажландырыў, жоқары дәрежедеги келисимлердиң орынланыўын тәмийинлеў, еки мәмлекет арасындағы саўда-экономикалық байланысларды кеңейтиў мәселелери додаланды.
Саўда-экономикалық ҳәм мәдений-гуманитарлық бирге ислесиў, регионаллық байланысларды беккемлеў, парламент тәрепинен биргеликтеги инвестициялық жойбарларды қоллап-қуўатлаў мәселелерин додалаў ушын Комиссияның мәжилислерин турақлы өткерип барыў зәрүрлиги атап өтилди.
Ушырасыў жуўмағында парламентлераралық сөйлесиўди тереңлестириў ҳәм регионаллық байланысларды раўажландырыў бойынша келисимге ерисилди.
