Ушырасыўда еки мәмлекет арасында жоқары билимлендириў, илимий изертлеўлер, кадрлар таярлаў, студент ҳәм қәнигелердиң мобиллигин раўажландырыў бағдарындағы бирге ислесиў мәселелери додаланды.
Тәреплер Өзбекстанда жоқары билимлендириў системасын модернизациялаў, халықаралық стандартларды қолланыўды кеңейтиў, биргеликтеги илимий жойбарларды қоллап-қуўатлаў ҳәм оларды қаржыландырыў механизмлерин күшейтиў бойынша пикир алысты.
Сөйлесиўлер жуўмағында әмелдеги 10 қоспа инновациялық жойбарды қоллап-қуўатлаў ҳәм келешекте бундай жойбарлардың санын басқышпа-басқыш кеңейтиў бойынша дәслепки келисимге ерисилди.
Энергетикалық нәтийжелилик, биотехнологиялар, санлы технологиялар, "Индустрия 4.0" ҳәм киберқәўипсизлик сыяқлы тийкарғы бағдарларда бирге ислесиўди жеделлестириў режелестирилген.
Ушырасыў еки мәмлекет арасында билимлендириў ҳәм илим тараўларындағы бирге ислесиўди әмелий жақтан тереңлестириў жолындағы гезектеги әҳмийетли қәдем болды.
