Ушырасыўда бирге ислесиўдиң әҳмийетли бағдарлары додаланды:
имканияты шекленген балалар ҳәм жаслар ушын заманагөй методикалар, оқыў қолланбалары ҳәм инновациялық билимлендириў технологияларын биргеликте ислеп шығыў;
педагоглар, дефектологлар, психологлар, социаллық хызметкерлер ҳәм адаптив спорт бойынша тренерлер ушын маманлық арттырыў бағдарламаларын кеңейтиў, сондай-ақ, жаңа оқыў модуллерин енгизиў;
тосқынлықсыз орталықты қәлиплестириў, инфраструктураны бейимлестириў, жәмийетлик орынларда қолайлықлар жаратыў ҳәм алдынғы тәжирийбелер тийкарында социаллық хызметлер көрсетиўде инклюзив қатнасты күшейтиў.
Ушырасыў тәреплердиң бирге ислесиўди сапа жағынан жаңа басқышқа алып шығыў, бар басламаларды тереңлестириў ҳәм халықтың жәрдемге мүтәж қатламларын қоллап-қуўатлаў бойынша алдынғы шешимлерди енгизиўге таяр екенин көрсетти.
