Ушырасыўда Беларусь санаат министриниң орынбасарлары Леонид Рижковский ҳәм Денис Бакей, Өзбекстан Республикасының Беларустағы Айрықша ҳәм толық ҳуқықлы елшиси, Өзбекстанның ҒМДА уставы ҳәм басқа да уйымлары жанындағы турақлы ўәкил Раҳматулла Назаров қатнасты.

Машина қурылысында қоспа кооперациялық жойбарларды әмелге асырыў перспективаларын додалаў сөйлесиўлердиң тийкарғы темасы болды. Беларусь тәрепи еки тәреплеме бирге ислесиўдиң потенциалы жоқары екенин атап өтти ҳәм өзбекстанлы шериклер менен бирге ислесиўди кеңейтиўден мәпдар екенин билдирди. Аўыл хожалығы машина қурылысы тараўында санаат кооперациясын раўажландырыў, двигателлер ҳәм карьер техникаларын жеткерип бериў, сондай-ақ, станок қурылысында бирге ислесиў тийкарғы бағдарлар етип белгиленди.

Ушырасыў қатнасыўшылары өндирислик байланысларды беккемлеў, заманагөй технологияларды енгизиў ҳәм жаңа базарларды биргеликте өзлестириў әҳмийетли екенлигин атап өтти. Өз-ара бирге ислесиўди жеделлестириў, келип шығыўы Беларусь - Өзбекстан болған бәсекиге шыдамлы өнимлерди ислеп шығарыў ҳәм экспорт көлемлериниң турақлы өсиўи ушын шараятлар жаратыўдан еки тәрептиң де мәпдар екени атап өтилди.

Беларусь санаат министрлигинде сөйлесиўлер конструктивлик тәризде өткени ҳәм сөйлесиўди табыслы даўам еттириў және биргеликтеги басламаларды әмелге асырыў ушын тийкар жаратқаны атап өтилди.