Атап айтқанда, Экология комитети жанындағы Шығындыларды басқарыў ҳәм циркуляр экономиканы раўажландырыў агентлигиниң директоры Шарифбек Ҳасанов басшылығындағы делегация Түркияның MT Makina компаниясы ўәкиллери менен шығындыларды қайта ислеў ҳәм басқарыў үскенелерин ислеп шығарыў, шығындыларды сортлаў ҳәм қайта ислеў объектлерин шөлкемлестириў бойынша бирге ислесиў мәселелерин додалады.
Ерисилген келисимлерге муўапық, Самарқанд ўәлаятында улыўма баҳасы 10 миллион долларлық жойбарларды әмелге асырыў режелестирилген.
Тийкарғы жойбарлар 2026-2027-жылларға мөлшерленген болып, төмендегилерди нәзерде тутады:
қуўатлылығы суткасына 500 тонна болған шығындыларды сайлап алыў станциясын қурыў;
заводты жылына 1 мыңға шекем арнаўлы техника ҳәм контейнерлер ислеп шығарыў бойынша локализациялаў.
Жойбарлардың әмелге асырылыўы 100 ге шамалас жаңа жумыс орнын жаратыў имканиятын береди, олардың улыўма жумыс ислеў мүддети 20 жылды қурайды.
Мағлыўмат ушын, MT Makina компаниясы 20 жылдан аслам тәжирийбеге ийе болып, шығындыларды басқарыў ҳәм қайта ислеў тараўында заманагөй технологиялық шешимлерди усынады.
Түркияға сапар даўамында басқа да бағдарларда бирге ислесиўди және де жеделлестириў режелестирилген.
