Оның ашылыў мәресиминде инвестициялар, санаат ҳәм саўда министриниң орынбасары Хуррам Тешабаев, тийисли министрликлер ҳәм уйымлардың басшылары қатнасты.
Жергиликли өндиристи раўажландырыўға системалы қатнас жасаў ярмарканың өзине тән өзгешелиги болып есапланады. Илаж шеңберинде импорт етилип атырған өнимлер талланып, тийкарғы товар топарлары қәлиплестирилип, оларды республикамызда ислеп шығарыўды шөлкемлестириў бойынша инвестициялық усыныслар ислеп шығылмақта.
Ярмаркада экономиканың түрли тармақларында өндиристи локализациялаў, қайта ислеўди кеңейтиў ҳәм бәсекиге шыдамлы өнимлер ислеп шығарыўға қаратылған 100 ден аслам перспективалы жойбар басламалары көрсетилмекте.
Ярмарка "Өзэкспоорай" аймағында бес күн даўамында төрт павильонда өтпекте. Онда 5 мыңға шамалас тармақ ҳәм аймақлық кәрханалар қатнасып, олардың 780 и 6 мың 200 ден аслам түрдеги өнимлер менен тәмийинленген. Буннан тысқары, илажға 70 тен аслам халықаралық бренд ҳәм ири сырт ел ислеп шығарыўшылары тартылған.
Ярмарка жуўмағында жаңа кооперациялық келисимлерге қол қойыў, инвестициялық жойбарларды иске қосыў ҳәм импорттың орнын басатуғын өнимлер ислеп шығарыўды кеңейтиў нәзерде тутылған.
