Илажда Өзбекстан инвестициялар, санаат ҳәм саўда министри Лазиз Қудратов, Тәжикстан Бас министриниң орынбасары Зиёзода Сулаймон Ризои ҳәм Тәжикстан санаат ҳәм жаңа технологиялар министри Шерали Кабир қатнасты.
Майданы 1 мың 300 квадрат метр болған экспозиция еки мәмлекеттиң санаат потенциалын көрсетиў ушын әҳмийетли платформа болды. Өзбекстан тәрепинен тоқымашылық, электротехника, фармацевтика ҳәм автосанаат сыяқлы 15 тармақтағы 180 нен аслам компания 450 ден аслам түрдеги өнимди усынды. Тәжикстаннан 10 тармақтан 30 дан аслам компания қатнасып, 200 ге шамалас өним усыныс етпекте.
27-мартқа шекем даўам ететуғын көргизбе мәмлекетлер арасында санаат кооперациясын беккемлеўге қаратылған. Онда ҳәр күни 500 ден аслам бизнес ўәкиллери ҳәм тармақ бирлеспелери қатнасыўы күтилмекте.
Илаж бағдарламасынан В2В ҳәм G2В форматындағы ушырасыўлар, экспорт потенциалының презентациялары, Өзбекстан ҳәм Тәжикстан исбилерменлери арасында саўда шәртнамалары ҳәм узақ мүддетли шериклик ҳаққындағы келисимлерди дүзиў бойынша мазмунлы сөйлесиўлер орын алған.
