Қарарға муўапық, Аграр тараўдағы төлемлер агентлиги тәрепинен жаңадан шөлкемлестирилген тут атызларының ҳәр бир гектарына тамшылатып суўғарыў системасын енгизиў қәрежетлерин қаплаў ушын 8 млн сумға шекем субсидия ажыратылады.
Майданы 2 гектар ҳәм оннан аслам тут атызларында тик суўғарыў қудықларын бурғылаў ҳәм пайдаланыўға тапсырыў, каналлар ҳәм басқа да суў бассейнлеринен суў алыў ушын насос станциялары ҳәм гидротехникалық қурылмаларды қурыў және реконструкциялаў менен байланыслы қәрежетлердиң 100 проценти муғдарында, бирақ 150 миллион сумнан аспаған бөлегине субсидия бериледи.
Қарақалпақстан Республикасы Министрлер Кеңеси, ўәлаятлар ҳәм районлар ҳәкимликлерине тут атызларын алып қойыў, олар жайласқан жер участкаларының жер фонды категориясын өзгертиў қатаң қадаған етиледи.
2026-жыл 1-сентябрьге шекем «pillachilik.uz» электрон платформасы иске қосылады. Бунда:
Пилле жетистириў ҳәм оны қайта ислеў кәрханаларының дизими, мақсетли көрсеткишлер ҳәм дүзилген шәртнамалар, қурт туқымын тарқатыў ҳәм пилле өнимин қабыллаў процесслери ҳаққындағы мағлыўматлар Платформада сәўлеленеди;
Платформа шеңберинде пилле жетистириў агротехникасы қағыйдалары бойынша оқыў қолланбалары ҳәм медиа контентти өз ишине алған мобил қосымша ислеп шығылады.
