Режеде ўәкилликли уйымлар тәрепинен көрсетилип атырған мәмлекетлик хызметлердиң сапасы ҳәм нәтийжелилигин халық тәрепинен баҳалаўдың тийкарғы нормалары белгиленген:
хызмет көрсетиўдиң сапасы;
хызметлердиң өз ўақтында көрсетилиўи;
хызметтен пайдаланыў мүмкинлиги.
Баҳалаўшы шахс мәмлекетлик хызметтен пайдаланғаннан соң арнаўлы QR-кодты сканнерлеп, 1 ден 5 ке шекемги шкала бойынша өз баҳасын ҳәм белгиленген өлшемлер тийкарында өз пикирлерин қалдырады.
3 ямаса оннан төмен баҳа және унамсыз пикирлер мәмлекетлик хызметлердиң сапасын жақсылаў ушын тийисли уйымлар ҳәм Әдиллик министрлигине автомат түрде жибериледи.
Онда ўәкилликли уйымлар тәрепинен шараятлар ҳәм жағдайлар үйренилип, оларды сапластырыў илажлары көриледи.
Баҳалаў нәтийжелери жақсыланбаған жағдайда Әдиллик министрлиги жуўапкер хызметкерлерди мәмлекетлик хызметлерди көрсетиўден шетлетиў ҳаққындағы мәселени көрип шығыў бойынша ўәкилликли уйымға усыныс киргизеди.
Баҳалаў нәтийжелери бойынша дәўирлер, ўәкилликли уйымлар ҳәм аймақлар (ўәлаятлар ҳәм районлар (қалалар) кесиминде рейтинг қәлиплестирилип, ол ҳәр шеректе, ярым жыллық ҳәм жыллық жуўмақлар бойынша кейинги айдың 15-сәнесине шекем Бирден-бир интерактив мәмлекетлик хызметлер порталында жәрияланады.
