Реже Өзбекстанда суў хожалығы балансларын дүзиў ҳәм олардан пайдаланыў тәртибин белгилейди.
Суў хожалығы баланслары төмендеги түрлерге бөлинеди:
дәрья бассейнлери бойынша суў хожалығы баланслары;
ирригация системалары бассейнлери бойынша суў хожалығы баланслары;
экономикалық регионлар (аймақлар) бойынша суў хожалығы баланслары;
Өзбекстан Республикасының бирден-бир суў хожалығы балансы.
Суў хожалығы министрлиги ҳәм оған қараслы шөлкемлер суў хожалығы балансларын дүзиў, әмелге асырыў ҳәм муўапықластырыў бойынша арнаўлы ўәкилликли уйым есапланады.
Суў хожалығы баланслары кесте түринде ислеп шығылып, оларда бар суў ресурслары, суўға болған талап, суў ресурсларының бөлистирилиўи, олардың азайыўы ямаса артып кетиўи сәўлелендириледи.
Суў хожалығы балансларын дүзиў ушын мағлыўматлар электрон онлайн форматта жүргизиледи ҳәм сол тийкарда тийисли мағлыўматлар базасы қәлиплестириледи.
