Таңлаўда 7-11-класс оқыўшылары қатнасыўы мүмкин.
ICO - бул
киберқәўипсизлик тараўында қәбилетли мектеп оқыўшыларын анықлаў, қоллап-қуўатлаў
ҳәм раўажландырыўға қаратылған абырайлы халықаралық олимпиада болып есапланады.
ICO тийкарын салыўшы профессор Сун
Тек Тан болып, ол Халықаралық информатика олимпиадасы (IOI) президенти де есапланады.
Миллий таңлаў 3 басқышта өткериледи:
- 1-басқыш - онлайн;
- 2-басқыш - офлайн;
- 3-басқыш - офлайн;
Таңлаў нәтийжелерине бола, Өзбекстан миллий сайланды
командасы қурамына кириўши ҳәм Австралияда өткерилетуғын 2026-жылғы Халықаралық
ICO олимпиадасында мәмлекетимиздиң абырайын
қорғаў имканиятына ийе болатуғын ең күшли қатнасыўшылар анықланады.
- 1-басқышты өткериў сәнеси: 2026-жыл 3-май.
- Дизимнен өткериўдиң соңғы мүддети: 20-апрель.
- Қатнасыўшылар: 7-11-класс оқыўшылары;
Миллий таңлаўдың барлық басқышларында қатнасыў бийпул.
Дизимнен өтиў ушын силтеме: ico26.uz
Дизимнен өткериў жуўмақланғаннан соң, барлық
қатнасыўшылардың электрон почтасына таңлаўды өткериў тәртиби, техникалық
талаплар, регламент, басланыў ўақты ҳәм кейинги басқышлар ҳаққында қосымша
мағлыўмат жибериледи.
Бул таңлаў бүгинги күнниң ең зәрүр ҳәм стратегиялық әҳмийетли
тараўларынан бири - киберқәўипсизликте өзин көрсетиў, сондай-ақ, Өзбекстанды
халықаралық майданда танытыў имканиятын береди.
