Усы тийкарғы талаплар атом электр станциясының жойбарластырылып атырған, қурылып атырған ҳәм эксплуатацияланып атырған блогының қәўипсизлигин итималлық жақтан таллаўға қойылатуғын қағыйдаларды белгилейди.
Қәўипсизликтиң итималлық анализи төмендеги мақсетлерде өткериледи:
атом электр станциясы блогы қәўипсизлигиниң итималлық көрсеткишлерин есаплаў;
аўыр авариялар ҳәм ири авариялық шығындылардың итималлылығын техникалық жақтан тәртипке салыў тараўындағы нормативлик ҳүжжетлерде белгиленген нормативлик шеклер менен салыстырыў;
атом электр станциясы блогының қәўипсизлигин тәмийинлеўге қаратылған илажларды ислеп шығыў ҳәм әмелге асырыўда тийкарғы бағдарларды белгилеў;
атом электр станциясы блогының системаларын (элементлерин) модернизациялаў илажларының атом электр станциясы блогының қәўипсизлигине тәсирин баҳалаў.
Қәўипсизликтиң итималлық анализи нәтийжелеринен төмендегилер ушын пайдаланыў мүмкин:
атом электр станциясы блогы системаларының исенимлилигин баҳалаў;
қадағалаў ҳәм тексериў жумысын режелестириў ҳәм баҳалаў;
жойбарлаў аварияларының дәслепки ўақыяларының дизимин тийкарлаў;
жойбардан тысқары авариялар дизимин тийкарлаў.
Қәўипсизликтиң итималлық анализин өткериў ушын атом электр станциясынан пайдаланыўшы шөлкем жуўапкер болады.
