Олий Мажлис Сенатының қарарына муўапық, М.Қаландарова Өзбекстан Республикасы Судьялар жоқары кеңесиниң турақлы ағзасы - Судьялар жоқары кеңесиниң судьясы лаўазымынан азат етилди.
Өзбекстан Республикасы Жоқарғы судының қурамына өзгерислер киргизиў мәселеси бойынша жалпы мәжилисте қабыл етилген қарарға муўапық, Маликахон Қаландарова судья лаўазымында болыўдың гезектеги он жыллық мүддетине ҳәм бес жыллық мүддетке Өзбекстан Республикасы Жоқарғы суды баслығының орынбасары - судлаў коллегиясының баслығы лаўазымына сайланды.
Сондай-ақ, Аброрхон Акрамов, Жаҳонгир Жўраев, Носир Зайнабидинов, Мансурбек Қурбонов, Жамоладдин Қурязов, Ўктам Мамадиев, Шуҳрат Муллажанов, Умида Нишонова ҳәм Одилжон Турдиев Өзбекстан Республикасы Жоқарғы судының судьясы лаўазымына он жыллық мүддетке сайланды.
Басқа жумысқа өтиўи мүнәсибети менен О.Исмоилов Өзбекстан Республикасы Жоқарғы суды баслығының орынбасары - судлаў коллегиясының баслығы лаўазымынан, Т.Мирзаев, М.Ешимбетов, Б.Эргашев, усынылған арзаға муўапық А.Бекманов Өзбекстан Республикасы Жоқарғы судының судьясы лаўазымынан азат етилди.
