World Poverty Clock мәліметі бойынша, кедейліктің халықаралық шегінен төмен жасайтын ел халқының үлесі 2019-2021 жылдары тәулігіне 3,2 доллар өлшемі бойынша 26,3 пайыздан 25 пайызға, сондай-ақ күніне 1,9 доллары өлшемі бойынша 11 пайыздан 9 пайызға дейін төмендеді.
2030 жылға дейінгі кезеңдегі тұрақты даму саласындағы жалпыұлттық мақсаттар мен міндеттердің 1-мақсаты барлық жерде халықтың кедейлік деңгейін төмендету екені белгілі.
2023 жылғы 7 ноябрьде Сенаттың Бюджет және экономикалық реформалар мәселелері комитеті және Заң шығару палатасының Бюджет және экономикалық реформалар комитетімен ынтымақтастықта «Өзбекстанда табысы аздарды азайтуға бағытталған тиімді механизмдерді жүзеге асыру» тақырыбында дөңгелек үстел ұйымдастырылды.
Атап өтілгендей, Өзбекстанда ұлттық модельді жүзеге асыру арқылы кедейшілікті азайту бойынша жүйелі жұмыстар қолға алынған.
Атап айтқанда, халықтың аз қамтылған қабаттарын есепке алу және мекенжайлық қолдап-қуаттаудың жаңа ұлттық моделі жүзеге асырылды, «Әлеуметтік қорғаудың бірыңғай тізілімі» ақпараттық жүйесі және «Махаллада әлеуметтік қызмет» модулі арқылы әлеуметтік қызметтерді көрсету жүйесі енгізілді.
Аз қамтылған отбасыларда тұратын жұмыссыздарды оқуға, кәсіпке оқытуға және кәсіпкерлік қызметке тарту арқылы жұмысқа орналастыру және тұрғындарды кәсіп-өнерге үйрету жүйесі жаратылды.
Сонымен қатар, қабылдаушы елдерде бүгінгі сұранысқа ие кәсіптер мен мамандықтар бойынша жұмыс істеуге баратын азаматтардың біліктілігін арттыра отырып, ұйымдасқан еңбек миграциясын жүзеге асыру еңбек мигрант отбасыларының табысын арттыруға және ауылдық жерлерде кедейшілік деңгейін төмендетуге ықпал етуде.
Сонымен қатар, аз қамтылған тұрғындарды жайлы тұрғын үймен қамтамасыз ету деңгейін арттыруға қолайлы жағдайлар жасалған.
Әрбір махаллада жұмыссыз деп танылған, жұмыс істеуге немесе кәсіпкерлікпен айналысуға ниет білдірген әйелдер мен жастардың тізімі қалыптастырылып, түрлі кәсіптік-өнерге және кәсіперлікке оқыту курстары бойынша шығындардың 70 пайызын мемлекет тарапынан өтеу механизмі жолға қойылды.
«Әйелдер дәптері», «Жастар дәптері», «Темір дәптерге» тіркелген тұрғындар үшін тренинг пен жаттығулар мүлдем тегін. Оқыту курстарын бітірген азаматтарға кәсіпкерлік субъекті ретінде мемлекеттік тіркеуден бастап өз ісін ашуға дейін іс жүзіндік көмек көрсету жүйесі енгізілді.
Тамарқасы болған кәсіпкерлерге 300 миллиард сум жеңілдетілген несиелер мен субсидиялар бөлінді. Соңғы 3 жылда 91 8 мың көп балалы отбасы, еңбекке жарамсыз мүгедектер, бала кезінен мүгедек жалғызбасты қарт адамдар тұрғын үйлермен қамтамасыз етіліп, тұрмыстық жағдайлары жақсартылды.
Дөңгелек үстелде халықтың аз қамтылғандарын қолдауға және кедейшілікті азайтуға қатысты тапсырмалар мен ұсыныстарды ресми ұйымдарға тікелей жеткізуге мүмкіндік жасалды. Шара соңында кедейшілікті төмендетуге бағытталған тиімді механизмдерді енгізу бойынша ұсыныстар әзірленді, деп хабарлайды Олий Мажлис Сенатының баспасөз қызметі.
