Мемлекет басшысы жақында өткен парламен мәжлісіндегі сөзінде халық санының өсуі жағдайында азық-түлік қауіпсіздігін қамтамасыз ету аса маңызды міндет екенін атап өтті.
Расында, еліміз халқы жыл сайын 1 миллионға өсіп келеді. Жер мен су ресурстарының шектеулі екенін ескерсек, ішкі нарық тұрақтылығына өнімділік пен тиімді басқару арқылы ғана қол жеткізуге болады.
Ауыл шаруашылығы министрі осыған қатысты жоспарын баяндады.
Келесі жылы 4 миллион 800 мың гектар жерге егіс егу жоспарланып отыр. Оның ішінде 2 миллион гектардан астам аумақта жеміс-жидек, көкөніс, картоп, бұршақ және бақша дақылдары өсірілмек. Бұл дақылдардың алқаптарға орналастырылуы және жиналған өнімнің қорларға жиналуы тұрақты түрде бақылау жүргізіледі.
Атап айтқанда, халыққа ең қажетті 10 түрлі негізгі азық-түлік өнімдерінің жүйелі есебі жүргізіледі. Әрбір аудан бойынша қандай өнім өсірілетіні және ішкі нарыққа қанша қор дайындалатыны нақты жоспарланады.
Белгілі болғандай, Президенттің бастамасымен 260 мың гектар жер 800 мың адамға егіншілікпен айналысу үшін бөлінген болатын. Сонымен қатар, Сайхұнабад тәжірибесі негізінде үй ауласында өнім өсіруді қолдау жалғасуда. Бұл, әсіресе, жастарды жұмыс орындары және табыспен қамтамасыз етудің тиімді жолы екенін өмірдің өзі дәлелдеді. Сондай-ақ бұл ауыл шаруашылығы өнімдерін көптеп өсіру арқылы олардың бағасының күрт қымбаттауына жол бермеуде маңызды фактор болды.
Енді бөлінген жерлерді тиімді пайдалануды қамтамасыз ету, фермерлерге ғылыми және практикалық көмек көрсету, сондай-ақ ауыл шаруашылығына инновациялық технологиялар мен шетелдік тәжірибе енгізу қажет.
Сонымен қатар, Мемлекет басшысы картоп өндірісін жетілдіру және оның өнімділігін арттыру үшін шетелдік тәжірибені қолданудың маңыздылығын атап өтті.
Суық ауа райының салдарынан өткен жылы 9 мың гектар бақ пен 4 мың гектар жүзім алқабы зардап шеккен болатын. Нәтижесінде 207 мың тонна өнім зая болды.
Президентіміз мұндай ауа райы жағдайларында диқандар шығынын болдырмау бойынша тапсырма берген болатын. Осыған сәйкес, шетелдік мамандармен бірлесе отырып, «Ауыл шаруашылығындағы тәуекелдерді сақтандыру туралы» заң жобасы әзірленді. Оның қабылдануы диқаншылар мен фермерлердің экономикалық қорғалуын қамтамасыз етеді.
Мақташылықта шетелдік сорттарды өсірудің тиімділігі талданды.
Мемлекет басшысы бұл бағытта кластер, фермер және өнеркәсіп кәсіпорындарының пікірін зерделеп, мәселеге ғылыми тұрғыдан қараудың, фермерлерді заманауи агротехнологияларға оқытудың маңызды екенін атап өтті. Заманауи мақта теретін машиналар мен халықтың үй жанындағы жер телімдеріне арналған шағын агротехникаларды өндіру бойынша тапсырмалар берілді.
«Жасыл кеңістік» ұлттық жобасы аясында барлық өңірлерде жасыл аймақтар құрылуда. Мұндай бақтардың айналасы мен егістік алқаптарының шетінде халыққа пайда әкелетін дақылдарды өсіруге болатыны айтылды.
Таныстырылымда облыс және аудандарда ауыл шаруашылығы саласындағы басқару жүйесін реформалау жөніндегі ұсыныстар да қаралды.
