49 ёшли Оксана Чусовитина Боку шаҳрида ўтказилаётган спорт гимнастикаси бўйича Жаҳон кубоги босқичида таяниб сакраш баҳсларида ғолибликни қўлга киритди.
Чусовитина 13,516 балл тўплаган. Иккинчи ўринни 30 ёшли словениялик Тея Белак (13,366) эгаллади, учинчи ўринни унинг ҳамюрти 31 ёшли Тяс Киселеф (13,283) эгаллади.
Чусовитина спорт гимнастикасининг ноёб вакили ҳисобланади. У саккизта ёзги Олимпиадада (1992, 1996, 2000, 2004, 2008, 2012, 2016, 2020) иштирок этган.
Аввалроқ Чусовитина 2028 йилда Лос-Анжелесда бўлиб ўтадиган Олимпия ўйинларига йўлланмани қўлга киритишга ҳаракат қилишини айтганди. У жароҳати туфайли Париж ўйинларига чиқа олмади.
“Тошкент шаҳрида бокс ва гимнастикага ихтисослаштирилган спорт мактаблари фаолиятини ташкил этиш бўйича қўшимча чора-тадбирлар тўғрисида”ги Президент Фармони (ПФ–94-сон, 22.06.2024 й) қабул қилинди.
Тошкент мезбонлик қилган бадиий гимнастика бўйича Жаҳон кубоги босқичи ниҳоясига етди. Унда Ўзбекистон терма жамоаси 2 та олтин, 4 та кумуш ва 1 та бронза, жами 7 та медални қўлга киритди.
