Инсон ҳаёти давомида кўрган-кечирганларини таҳлил қилиб, воқеа-ҳодисаларни бир-бирига таққослаб, ўзига яраша хулоса чиқариб яшайди.
Давлатимиз раҳбарининг мустақиллик байрами тантанасида сўзлаган нутқи бугун барчанинг қувончига ва эътирофига сазовор бўлмоқда. Сабаби Президентимиз халқимиз истагидаги гапларни айтар экан, Янги Ўзбекистонни барпо этишда асосий эътибор 5 та устувор йўналишга қаратилаётганини таъкидлади. Бунда сифатли таълим тизимини йўлга қўйиш, бизнесни ривожлантириш, коррупциядан ҳоли, адолатли суд тизимини яратиш, соғлиқни сақлаш соҳасини тубдан яхшилаш, экологик барқарорликни таъминлаш йўналишлари қайд этилди.
Дунёда глобал хавф-хатарлар кучайиб бораётган бир вақтда миллий ўзликни англаш ва минглаб юртдошларимизнинг хотираларини абадийлаштириш, уларнинг жасорати ва матонати мисолида ёш авлодни Ватанимиз ва халқимизга муҳаббат ва садоқат руҳида тарбиялаш бугунги куннинг долзарб вазифасидир.
Бу йил жонажон ватанимиз ўзининг 33 йиллик мустақил ҳаёт йўлини босиб ўтмоқда. Ўтган йилларда амалга оширилган залворли ўзгаришлар, туб ислоҳотлар замирида, аввало, мустақиллик, тенглар ичра тенглик ҳуқуқи мужассам топгандир.
Ўзбекистон Республикаси ўз давлат мустақиллигини қўлга киритган буюк тарихий кун – халқимизнинг ижтимоий-сиёсий, маънавий ҳаётида беқиёс ўрин эгаллаган, ҳар йили энг улуғ, энг азиз байрам сифатида катта шоду хуррамлик билан нишонланадиган қутлуғ айёмдир.
Бугун юртимиз бўйлаб истиқлол шукуҳи, мустақиллик шукронаси давом этмоқда. Янги Ўзбекистонда отаётган ҳар бир янги тонг хайрли мақсадларимиз сари йўл очаётгани халқимизнинг тинч ва бахтли ҳаётида яққол акс этмоқда. Ватанимиз мустақиллигининг қутлуғ ўттиз уч йиллик тантаналари барча оилаларга, юртдошларимиз қалбига кириб бораётир, ҳар биримизнинг тилларимиз ва дилларимизда «Юртнинг кучи бирликда, қадри эса тинчликдадир» деган ўтли сўзлар жаранг сочмоқда.
Бугун она ватанимизнинг ҳар бир гўшасида, ҳар бир юртдошимизнинг қалбида истиқлол сурури, мустақиллик шукронаси жўш урмоқда. Халқимизнинг амалга оширилаётган инсонпарвар ислоҳотлардан миннатдорлиги, кундан кунга фаровонлашиб бораётгани ҳаётидан розилиги яққол намоён бўлмоқда.
Президентимиз Ш.Мирзиёевнинг Ватанимиз мустақиллигининг 33 йиллик байрамига бағишланган тантанали маросимдаги нутқи ҳар йилгиданда мазмунан бойлиги, халқимизга, айниқса, ёшларга мурожаат тарзида тақдим этилгани билан эътиборли бўлди.
Жаҳонда турли миллат вакилларининг бир мамлакатда тинч-тотув яшашлари, умуминсоний бағрикенглик тамойилларини ривожлантиришга интилишлари янги асрга хос хусусият ҳисобланади. Жамият тараққиётида турли миллат ва элатлар ҳуқуқлари, манфаатлари таъминланиши, уларнинг тили, маданияти ва тарихига нисбатан ҳурмат билан муносабатда бўлиниши демократик ислоҳотлар жараёнида муҳим жиҳатлардандир.
“Халқ давлат ҳокимиятининг бирдан-бир манбаидир”. Ушбу конституциявий принцип барча бўғиндаги давлат ҳокимияти органлари фаолиятида ва қарорлар қабул қилишида акс этиши зарур.
