Дар оғози мулоқот сарони давлатҳо ба муносибати иди баҳории Наврӯз ва иди муқаддаси Рамазон якдигарро самимона табрик карда, ба мардумони бародар сулҳ, осоиштагӣ ва шукуфоӣ таманно намуданд.
Ба натиҷаҳои гуфтушунидҳои сеҷонибаи имрӯз баргузоршуда баҳои баланд дода шуданд, ки натиҷаи асосии он имзои Шартнома дар бораи нуқтаи пайвасти сарҳадҳои давлатии Ӯзбекистон, Қирғизистон ва Тоҷикистон мебошад.
Бо қаноатмандӣ пешрафти татбиқи тавофуқҳои дар сатҳи олӣ ҳосилшуда зикр гардид. Ҳаҷми гардиши мол аз аввали сол 70 фоиз афзудааст. Ҳамкории саноатӣ дар соҳаҳои гуногуни иқтисод, аз ҷумла бо дастгирии Бунёди муштараки сармоягузорӣ бомуваффақият рушд мекунад.
Масъалаҳои тезондани лоиҳаҳои бузурги минтақавӣ дар соҳаи энергетика ва коммуникатсияҳои нақлиётӣ, аз ҷумла сохтмони роҳи оҳани Чин-Қирғизистон-Ӯзбекистон баррасӣ шуданд.
Сарони давлатҳо тарафдори нигоҳ доштани робитаҳои фаъоли байниминтақавӣ ва табодули фарҳангиву гуманитарӣ шуданд.
Президентони кишварҳо ҳамчунин оид ба ҷадвал ва рӯзномаи чорабиниҳои ояндаи сатҳи олӣ мубодилаи афкор намуданд.
