Дар ин лоиҳа пешниҳод шудааст, ки вуруди хориҷиён ба ин кишвар, агар онҳо хешовандони коргарон дар Русия бошанд, мамнӯъ шавад. Ин ба мутахассисони пастихтисос, ки танҳо дар асоси шартномаи меҳнатӣ ё патент дар ҷумҳурӣ мебошанд, дахл дорад. Барои аъзои оилаи коргарони баландихтисоси хориҷӣ истисноҳо сурат хоҳанд гирифт, менависад gazeta.ru.
«Оилаҳои муҳоҷирони корӣ бояд онҳоро дар ватан интизор шаванд. Вақте ки онҳо ба Русия меоянд, хешовандони хориҷиёни бо кор таъминшуда дар анклавҳои ихчам зиндагӣ мекунанд, бо забони худ ҳарф мезананд ва бо сокинони маҳаллӣ беэҳтиромӣ мекунанд”, - шарҳ дод раиси ҲЛДР Леонид Слутский.
Вай ҳамчунин афзуд, ки аксаран чунин манзилҳои муҳоҷирон пули коммуналиро намепардозанд ва қарзҳои зиёд ҷамъ мешаванд, ки ба дӯши соҳибони боқимонда меафтад.
Думаи давлатӣ ҳамчунин ташаббуси то 30 фоиз боло бурдани андоз аз даромади муҳоҷироне, ки тибқи патент кор мекунанд, баррасӣ намуд. Вакилони порлумон, ки аз ин иқдом ҳимоят мекунанд, бар ин назаранд, ки аз се ду ҳиссаи муҳоҷирон дар Русия тибқи патент кор мекунанд ва пули ба даст овардаашонро ба ватан мефиристанд. Онҳо бар ин назаранд, ки даромади шаҳрвандони хориҷӣ бояд дар буҷаи Русия боқӣ монад.
