Orolbo‘yi mintaqasida qulay tabiiy muhit yaratish, hududning noyob madaniyati va tarixiy merosini asrab-avaylash hamda keng ommalashtirish, ushbu yo‘nalishlarda ilmiy-tadqiqot ishlari, innovatsion loyihalar va ijodiy tashabbuslarni amalga oshirish uchun xalqaro hamkorlik va muloqotni yanada kengaytirish maqsadida qaror qilaman:
1. Birlashgan Millatlar Tashkilotining 2023 yil 22-24 mart kunlari Nyu-York shahrida (AQSH) bo‘lib o‘tgan suv resurslariga bag‘ishlangan konferensiyasida O‘zbekiston Respublikasi tomonidan Orol madaniyat sammiti loyihasini amalga oshirish tashabbusi ilgari сурилgaни ma’lumot uchun qabul qilinsin.
2. 2025 yildan boshlab har o‘n sakkiz oyda – bahor yoki kuz fasllarida Orol madaniyat sammiti (keyingi o‘rinlarda – Sammit)ni o‘tkazib borish yo‘lga qo‘yilsin.
3. Birinchi Orol madaniyat sammiti Samarqand iqlim forumi bilan uyg‘un holda 2025 yil 4-6 aprel kunlari Samarqand va Nukus shaharlarida yuqori saviyada tashkil etilsin.
4. Quyidagilar Sammitning asosiy maqsad va yo‘nalishlari etib belgilansin:
a) Orolbo‘yida va dunyoning boshqa mintaqalarida yuzaga kelgan ekologik muammolarni muhokama qilish hamda oqilona yechimlarni taqdim etish uchun global platforma yaratish;
b) Orolbo‘yi muammolarini hal etishda fanlararo yondashuvni rivojlantirish;
v) barqaror yechimlar va strategiyalar yaratishga qaratilgan ta’lim dasturi asosida Orol мaктabиni tashkil etish;
g) zamonaviy texnologiyalar va an’anaviy me’morchilik asosida “Istiqlol” madaniyat va istirohat bog‘i, bog‘ hududida joylashgan bolalar кутуbхонaсиni qayta barpo etish hamda ulardan samarali foydalanishni yo‘lga qo‘yish;
d) yetakchi mahalliy va xorijiy mutaxassislar hamda tashkilotlar bilan hamkorlikda Orolbo‘yi mintaqasida suv va tuproq tadqiqotlari olib borish;
ye) Orolbo‘yi hududining tuproq va iqlim sharoitiga mos bo‘lgan qishloq xo‘jaligi ekinlarini o‘rganishga ixtisoslashgan laboratoriya platformasini yaratish hamda uni mazkur yo‘nalishda amalga oshiriladigan ilmiy tadqiqotlarning o‘quv-amaliyot maydoniga aylantirish;
j) Orolbo‘yi mintaqasida asrlar davomida shakllangan noyob madaniyat va an’analarni saqlash, himoya qilish va keng ommalashtirish;
z) xalqaro miqyosda doimiy muloqotlar, amaliyotlar, seminarlar, tadqiqot dasturlarini tashkil etish.
5. Orol madaniyat sammitiga tayyorgarlik ko‘rish va uni o‘tkazish bo‘yicha tashkiliy qo‘mita (keyingi o‘rinlarda – Tashkiliy qo‘mita) 1-ilovadagi tarkibga muvofiq tuzilsin.
6. Tashkiliy qo‘mita (A.N. Aripov):
a) ushbu qarorda belgilangan vazifalarni o‘z vaqtida va sifatli amalga oshirish bo‘yicha mas’ul davlat organlari va tashkilotlar faoliyatini muvofiqlashtirib borsin;
b) Sammitga tayyorgarlik ko‘rish va uni o‘tkazishda yuzaga keladigan tashkiliy masalalarni tezkorlik bilan hal etsin;
v) Sammit doirasidagi tadbirlar o‘tkaziladigan joylarning texnik va telekommunikatsiya uskunalari bilan jihozlanishini ta’minlasin;
g) Sammit bilan bog‘liq tadbirlar va chet ellik mehmonlarning sayohatini tashkillashtirsin;
d) Sammitda qatnashuvchilarning O‘zbekistonga kelib-ketishi, ularga viza rasmiylashtirilishi, transport va tibbiy xizmat ko‘rsatish masalalarini muvofiqlashtirsin;
ye) Sammit doirasidagi tadbirlar o‘tkaziladigan hududlarda obodonlashtirish va ko‘kalamzorlashtirish ishlari amalga oshirilishini hamda ob’ektlar va mehmonxona fondining tayyorligini ta’minlasin;
j) zarur hollarda, Sammitni yuqori saviyada tashkil etish bilan bog‘liq tezkor qarorlar qabul qilsin.
7. Belgilansinki:
a) Madaniyat va san’atni rivojlantirish jamg‘armasi (keyingi o‘rinlarda – Jamg‘arma) Tashkiliy qo‘mitaning ishchi organi hisoblanadi;
b) Vazirlar Mahkamasi tomonidan Sammitning moliyalashtirish manbalari belgilanadi hamda xarajatlar smetasi tasdiqlanadi.
8. Orol madaniyat sammitiga tayyorgarlik ko‘rish va uni o‘tkazish bo‘yicha chora-tadbirlar rejasi 2-ilovaga muvofiq tasdiqlansin.
9. Ichki ishlar vazirligi:
a) Milliy gvardiya bilan birgalikda Sammit doirasidagi tadbirlar o‘tkaziladigan hududlarda, shu jumladan, ishtirokchi va mehmonlar to‘planadigan joylarda, mehmonxonalarda hamda ularning atrofida jamoat tartibini saqlash;
b) Sammitga tashrif buyuradigan delegatsiya a’zolari xavfsizligini ta’minlash maqsadida yo‘l harakati qoidalariga muvofiq hamrohlik qilish choralarini ko‘rsin.
10. Favqulodda vaziyatlar vazirligi Sammit doirasidagi tadbirlar o‘tkaziladigan hududlardagi ob’ektlar hamda ularning atrofida favqulodda vaziyatlarning oldini olish va yong‘in xavfsizligini ta’minlash ishlarini tashkil etsin.
11. Sog‘liqni saqlash vazirligi Sammit doirasidagi tadbirlar o‘tkaziladigan joylarda tez tibbiy yordam brigadalari faoliyati tashkil etilishini ta’minlash, shuningdek, sog‘liqni saqlash
hamda sanitariya normalari, qoidalari va gigiyena normativlariga amal qilinishi bo‘yicha zarur choralar ko‘rsin.
12. Raqamli texnologiyalar vazirligi Jamg‘armaning murojaatiga asosan Sammit doirasidagi tadbirlar o‘tkaziladigan konferensiya va ko‘rgazma zallari, matbuot xonalarini belgilangan tartibda zarur texnika vositalari, sinxron tarjima jihozlari va internet tarmog‘i bilan ta’minlasin.
13. Jamg‘armaning talabnomasiga asosan quyidagilarga:
a) “Uzbekistan Airways” AJga chet ellik ishtirokchilar uchun xalqaro va mahalliy reyslarga aviachiptalarning band qilinishini ta’minlash;
b) “O‘zbekiston temir yo‘llari” AJga chet ellik ishtirokchilar uchun qatnovdagi poyezdlarning barcha turlariga temir yo‘l chiptalari zaxirasini yaratish va rasmiylashtirish choralarini ko‘rish tavsiya etilsin.
14. Tashqi ishlar vazirligi Jamg‘armaning viza talabnomalariga binoan, Sammitda ishtirok etadigan xorijiy ishtirokchilarga O‘zbekiston Respublikasiga kirish vizalari konsullik yig‘imlari va haqiqiy xarajatlarning o‘rnini qoplash hisobidan yig‘imlarni undirmasdan, zarur hollarda, Toshkent va Samarqand xalqaro aeroportida rasmiylashtirilishini ta’minlasin.
15. Axborot va ommaviy kommunikatsiyalar agentligi Jamg‘arma bilan birgalikda ommaviy axborot vositalari vakillari uchun barcha zarur
shart-sharoitlarga ega bo‘lgan Sammit matbuot markazi faoliyatini samarali yo‘lga qo‘ysin, shuningdek, tadbirni yuqori saviyada xalqaro miqyosda keng yoritish uchun xorijiy ommaviy axborot vositalarini jalb qilish choralarini ko‘rsin.
16. Mazkur qarorning ijrosini samarali tashkil qilishga mas’ul va shaxsiy javobgar etib Madaniyat va san’atni rivojlantirish jamg‘armasi raisi G.O. Umerova hamda Qoraqalpog‘iston Respublikasi Vazirlar Kengashi Raisi F.U. Ermanov belgilansin.
17. Mazkur qarorning ijrosini nazorat qilish O‘zbekiston Respublikasi Bosh vaziri A.N. Aripov zimmasiga yuklansin.
O‘zbekiston Respublikasi
Prezidenti Sh.MIRZIYOEV
Toshkent shahri,
2025 yil 28 mart
