Maqsad sayyohlarning barcha toifalarini qamrab olish va ular uchun munosib sharoitlar yaratishdan iborat. Assotsiassiya O'zbekistonda turizm sohasini rivojlantirishga hissa qo'shish istagidagi jismoniy shaxslarni birlashtirish va ularning sa'y-harakatlarini sotsial turizmni rivojlantirishga yo'naltirish, jumladan, bolalar, yoshlar, keksalar, shuningdek nogironligi bo'lgan yurtdoshlarimizning sayohatlarini tashkil etishga ko'maklashadi.
Assotsiatsiyaning asosiy vazifalari quyidagilardan iborat:
- imkoniyati cheklangan yurtdoshlarimiz va ehtiyojmand oilalar farzandlari uchun xayriya aksiyalarini o'tkazish;
- imkoniyati cheklangan shaxslar sayohat qilishlari uchun sharoitlar yaratishga ko'maklashish;
- sotsial turizm sohasida davlat datsurlari, normativ-huquqiy hujjatlar va boshqa qarorlar loyihalarini ishlab chiqishda ishtirok etish hamda jamoatchilik nazoratini amalga oshirish;
- inklyuziv turizmni rivojlantirish doirasida bolalar, yoshlar, uchinchi yosh toifa vakillari, shuningdek, nogironligi bo'lgan kishilar uchun turizm hamda ekskursiyalarni tashkil etishga ko'maklashish va b.
O'zbekitson sotsial turizm assotsiatsiyasi mamlakatimizda inklyuziv turizmni rivojlantirishga hamda bu borada xorijiy turdosh uyushmalar bilan hamkorlik aloqalarni o'rnatish yo'lida xizmat qiladi.
Turizmni rivojlantirish davlat qo'mitasi bilan hamkorlikda imkoniyati cheklangan yurtdoshlarimiz uchun “Sayohat barcha uchun!” xayriya sayohati tashkil etiladi hamda ularning diqqatga sazovor maskanlarda sayohat qilish imkoniyatlarini baholash ishlari amalga oshiriladi.
