Qayd etilishicha, birinchi bosqichda ushbu yoʻlak orqali 37, 57 va 58-sonli avtobus yoʻnalishlari harakatlanadi.
Avtobuslar endi yoʻlning oʻrta qismidagi maxsus ajratilgan yoʻlakda harakatlanadi. Yoʻlovchilar avtobusga yoʻl oʻrtasida joylashgan maxsus platformalar orqali chiqib tushadi.
Yoʻlovchilar uchun:
- Platformaga faqat belgilangan piyodalar oʻtish joylari orqali chiqing, belgilanmagan joydan oʻtish qatʼiyan man etiladi.
- Avtobusni faqat old tomonidan aylanib oʻting. Yoʻlovchilar yoʻlni faqat belgilangan piyodalar oʻtish joylari orqali kesib oʻtishlari mumkin.
- Platformada sariq xavfsizlik chizigʻi ortida turing, avtobus toʻliq toʻxtagachgina eshikka yaqinlashing.
- Avval keksalar, nogironligi boʻlgan shaxslar va bolali yoʻlovchilarga yoʻl bering.
- Bekat atrofida toʻxtab, suratga olish yoki telefondan foydalanishda ehtiyot boʻling – xavfsizlikni unutmang.
Haydovchilar uchun:
- Shota Rustaveli koʻchasining oʻrta yoʻlagi faqat avtobuslar harakati uchun moʻljallangan.
- Bu yoʻlakda boshqa transport vositalarining harakatlanishi, toʻxtashi yoki yoʻlni kesib oʻtishi qatʼiyan taqiqlanadi.
- Markaziy yoʻlakda avtobuslarga ustuvorlik beriladi. Ruxsat etilgan kesishmalarda avtobus harakatiga yoʻl bering.
- Ikki yoʻnalishda ham chapga burilish va ortga qayrilib olish taqiqlangan.
- Chapga burilish yoki qayrilish zarur boʻlgan haydovchilar belgilangan chorrahalar orqali harakatlanishlari lozim.
Markaziy avtobus yoʻlagi — Toshkent transport tizimini zamonaviylashtirish yoʻlidagi muhim qadamdir.
Barcha yoʻl harakati ishtirokchilaridan hamkorlik, ehtiyotkorlik va madaniyatli harakatlanish soʻraladi.
