“Thirty-Five Group” халықаралық базарларда көшпес мүлк, инфраструктура, энергетика, санаат, таў-кән санааты ҳәм заманагөй технологиялар тараўларында жумыс алып барып атырған Қатардың ири инвестициялық холдинги болып есапланады.
Сөйлесиўлер ўақтында тәреплер инвестициялық бирге ислесиўди кеңейтиў ҳәм Өзбекстан экономикасына узақ мүддетли капитал тартыў перспективаларын додалады. Энергетика, логистика, билимлендириў, химия санааты, геология ҳәм таў-кән тараўларында ири жойбарларды әмелге асырыўға айрықша итибар қаратылды.
Қатар тәрепине келешекте биргеликте ислеп шығыў ушын перспективалы инвестициялық жойбарлар таныстырылды.
“Thirty-Five Group” Қатардың көшпес мүлк, инфраструктура, энергетика, санаат, таў-кән санааты ҳәм заманагөй технологиялар тараўларында халықаралық базарларда жумыс алып барып атырған ири инвестициялық холдинглеринен бири екени атап өтилди.
Ушырасыў жуўмағында Қатар тәрепи ўәкиллери Өзбекстанның инвестициялық потенциалын жоқары баҳалап, әмелий бирге ислесиўди жолға қойыўдан мәпдар екенин билдирди. Сондай-ақ, тәреплер биргеликтеги басламаларды алға қойыў бойынша гезектеги илажларды келисип алды.
