Форум шеңберинде “77
Construction USA Corp.” (АҚШ), “China
Huaneng Group” (Қытай), “Adani
Group” (Ҳиндстан), “MUFG Bank2” (Япония), “AKA Bank” (Германия), “Koncar” ҳәм “In Foro Viridi”
(Хорватия) компанияларының ўәкиллери,
Жәҳән банки топары, сондай-ақ, Аўғанстан санаат ҳәм саўда министрликлери менен
сөйлесиўлер өткерилди.
Ушырасыўларда
гидроэнергетика тараўында ири инвестициялық жойбарларды әмелге асырыў,
мәмлекетлик-жеке меншик шериклик механизмлерин кеңейтиў, халықаралық
қаржыландырыўды тартыў ҳәм заманагөй технологияларды енгизиў мәселелерине
айрықша итибар қаратылды.
Өткерилген
сөйлесиўлер жуўмағында төмендеги келисимлерге ерисилди:
“77 Construction
USA Corp.” компаниясы менен EPC+F ҳәм мәмлекетлик-жеке меншик шериклик шәртлери
тийкарында инвестициялық жойбарларды әмелге асырыў перспективалары додаланды;
Жәҳән банки
топары менен перспективалы жойбарлар ушын жеңиллетилген қаржыландырыўды тартыў,
MIGA кепиллик қуралларынан пайдаланыў ҳәм грант бағдарламаларында белсене
қатнасыў бойынша бирге ислесиўди раўажландырыўға келисип алынды;
“China Huaneng
Group” компаниясы менен мәмлекетлик-жеке меншик шериклик механизмлери
тийкарында ири инвестициялық жойбарларды әмелге асырыў бойынша бирге ислесиў
меморандумына қол қойылды;
“Adani Group” компаниясы
менен перспективалы инвестициялық басламаларды ислеп шығыў ушын биргеликтеги
жумысшы топарды шөлкемлестириўге келисип алынды;
“MUFG Bank” ҳәм “AKA
Bank” пенен ири энергетика жойбарларын узақ мүддетли қаржыландырыў механизмлери
додаланды;
“Koncar” ҳәм “In
Foro Viridi” компаниялары менен киши ҳәм орта гидроэлектр станцияларының
жойбарларын әмелге асырыў тараўында бирге ислесиў жолға қойылған;
Аўғанстан тәрепи
менен гидроэнергетика үскенелерин жеткерип бериў ҳәм гидроэнергетика объектлерин
жойбарластырыў тараўындағы бирге ислесиўдиң перспективалы бағдарлары келисип
алынды.
Форум шеңберинде
ерисилген келисимлер халықаралық шериклердиң Өзбекстанның гидроэнергетика
потенциалына қызығыўшылығы артып баратырғанын тастыйықлайды ҳәм инвестицияларды
тартыў, алдыңғы технологияларды енгизиў, тараўды буннан былай да турақлы
раўажландырыў ушын жаңа имканиятлар ашады.
V Ташкент
халықаралық инвестициялық форумы "Өзбекгидроэнерго" АЖ ушын халықаралық
байланысларды беккемлеў ҳәм ири инвестициялық жойбарларды әмелге асырыў бойынша
анық әмелий нәтийжелерге ерисиўде нәтийжели майданға айланды.
