Сөйлесиўлер даўамында тәреплер бирге ислесиў бойынша Қытай-Өзбекстан ҳүкиметлераралық комитетиниң 8-мәжилисин де өткерди, деп жазады "Синхуа".
Лю Гочжун Қытай Өзбекстан менен биргеликте өз-ара пайдалы бирге ислесиўди тереңлестириўди даўам еттириў ҳәм еки мәмлекет халықларының мәплери жолында уқсас тәғдирге ийе Қытай-Өзбекстан жәмийетшилигиниң мазмунын кеңейтиў нийетинде екенин атап өтти.
Оның сөзлерине бола, тәреплер мәмлекет басшылары дәрежесинде ерисилген келисимлерди әмелге асырыў, сондай-ақ, еки тәреплеме қатнасықларды буннан былай да раўажландырыў ушын ҳүкиметлераралық комитет имканиятларынан нәтийжели пайдаланыўға таяр.
"Мәкан ҳәм жол" басламасы шеңбериндеги бирге ислесиўди, сондай-ақ, экономика ҳәм саўда, энергетика, транспорт, аўыл хожалығы, илим ҳәм технологиялар, қәўипсизлик, кәмбағаллыққа қарсы гүресиў ҳәм мәдений-гуманитарлық алмасыўлар тараўларындағы бирге ислесиўди кеңейтиўге айрықша итибар қаратылды.
Өзбекстан Бас министри Абдулла Арипов Ташкент Қытайды узақ мүддетли ҳәм исенимли стратегиялық шерик сыпатында қабыл ететуғынын атап өтти. Сиясий өз-ара исенимди беккемлеў ҳәм ҳәр қыйлы бағдарларда әмелий бирге ислесиўди кеңейтиўге таяр екенин билдирди.
Буннан тысқары, ҳүкимет басшысы Өзбекстан "бирден-бир Қытай" принципине садық екенин ҳәм ҚХР Баслығы Си Цзинпин тәрепинен алға қойылған халықаралық басламаларды биргеликте әмелге асырыўға таяр екенин тастыйықлады.
