Агентлик басшысы 2026-жыл 6-апрель күни Мозори Шариф қаласы мэри Ҳафиз Абдулраҳмон Ҳиммат, Балх ўәлаяты фармацевтиклер ассоциациясы баслығы Ҳожи Муҳаммад ҳәм Балх ўәлаяты Дәри-дәрмақ ҳәм азық-аўқат өнимлерин қадағалаў басқармасы баслығы доктор Нажибулла Тавон менен мазмунлы ҳәм нәтийжели сөйлесиўлер өткерди.
Ушырасыўлар даўамында фармацевтика тараўында бирге ислесиўди кеңейтиў, саўда-экономикалық байланысларды раўажландырыў ҳәм өз-ара пайдалы жойбарларды әмелге асырыў мәселелери додаланды.
Сондай-ақ, сапар шеңберинде Өзбекстан делегациясы ағзалары, ири жергиликли дәри-дәрмақ импортёрлары ҳәм дистрибюторлық компаниялары арасында В2В ҳәм В2G форматларында еки тәреплеме ушырасыўлар шөлкемлестирилди.
Сөйлесиўлер даўамында Өзбекстан фармацевтика ислеп шығарыўшылары өз өнимлери, өндирис қуўатлықлары ҳәм экспорт потенциалын кеңнен таныстырды.
Өткерилген бизнес-форум ҳәм бир қатар исбилерменлик ушырасыўларының жуўмағында бир қатар дәслепки саўда келисимлерине ерисилди.
Ерисилген нәтийжелер фармацевтика тараўындағы Өзбекстан-Аўғанстан бирге ислесиўин жаңа басқышқа алып шығыўы, сондай-ақ, Өзбекстан өнимлериниң Аўғанстан базарындағы үлесин сезилерли дәрежеде арттырыўға хызмет етиўи күтилмекте.
