Бирге ислесиў шеңберинде анимация тараўында қәнигелер таярлаў ушын 700 мың АҚШ долларынан аслам грант ажыратыў режелестирилген.
Сөйлесиўлер даўамында тәреплер төмендегилерди додалады:
қәбилетли жаслар ушын жоқары дәраматлы жумыс орынларын жаратыў;
“soft skills”ти раўажландырыў;
биргеликтеги билимлендириў бағдарламаларын иске түсириў;
аралықтан хызметлерди кеңейтиў;
санлы хызметлер экспортын арттырыў.
Бирге ислесиў шеңберинде төмендегилер нәзерде тутылған:
япониялы жетекши қәнигелерди тартқан ҳалда япон базарына бағдарланған анимация бойынша билимлендириў бағдарламаларын иске қосыў;
Өзбекстанда "ELF-IN" компаниясының шөлкемлестирилиўи ҳәм жоқары дәраматлы жумыс орынларының жаратылыўы;
миллий өзбек анимация өнимлерин жаратыў ҳәм оларды халықаралық базарларға алып шығыў имканиятларын кеңейтиў.
Бул бирге ислесиў Өзбекстанның IT-хызметлер экспорты бойынша дүнья базарындағы орнын беккемлеў, креатив индустрияны раўажландырыў ҳәм жаслардың бәнтлигин тәмийинлеўге хызмет ететуғыны атап өтилди.
Япония қәнигелеринен анимацияны үйрениў ҳәм Өзбекстанда бул тараўда ислеўди қәлеўшилер арнаўлы онлайн форма арқалы дизимнен өтиўи мүмкин: https://forms.gle/XLUWYEYvqwUELxxs5.
