Пәрманға бола, 2025-2026-жыллары мәмлекетлик пуқаралық хызметин жаңа көзқараслар тийкарында шөлкемлестириўдиң тийкарғы бағдарлары белгиленди.
Мәмлекетлик хызметти раўажландырыў агентлиги, Мәмлекетлик сиясат ҳәм басқарыў академиясы және "Ел-юрт умиди" қорының турақлы бирге ислесиўи тийкарында мәмлекетлик хызметте кадрлар таярлаўдың бир пүтин системасы енгизиледи.
2026-жыл 1-январьдан:
мәмлекетлик хызметке биринши мәрте қабыл етилген мәмлекетлик хызметкерлер менен мийнет шәртнамасы дәслеп бир жыл мүддетке дүзиледи ҳәм кейин ала жумысының унамлы нәтийжелерине бола мийнет шәртнамасы белгисиз мүддетке создырылады;
KPI нәтийжелери Хызметкерлердиң кәсиплик компетенциялары раўажланыўын үзликсиз онлайн мониторинг етиў системасында топланады ҳәм талқыланады;
2025-жыл 1-августтан республика, аймақлық ҳәм район (қала) дәрежесиндеги шөлкемлердеги лаўазымлардың басқарыў ҳәм жәрдемши топарлары ушын таңлаўлар тек ғана Мәмлекетлик пуқаралық хызметкерлери вакант лаўазымларының бирден-бир порталы арқалы өткериледи.
Қәбилетли басқарыўшылар ҳәм лидерлерди, жаңа әўлад басшыларын анықлаў ҳәм таңлаў бойынша "ТОП-100" бағдарламасы енгизиледи.
Потенциал ҳәм перспективалы басшылардың турақлы резервин тәмийинлеў мақсетинде Миллий кадрлар резерви ҳәм Потенциал кадрлар резерви қәлиплестириледи.
2025-жыл 1-октябрьден мәмлекетлик хызметкерлердиң сырт елге ҳәм ишки хызмет сапарларын шөлкемлестириў, есабын жүргизиў ҳәм таллаўын алып барыў “hrm.argos.uz” электрон системасы қурамындағы “Xizmat safari” бирден-бир модули арқалы әмелге асырылады.
2026-жыл 1-январьдан Мәмлекетлик уйымлар белсендилигиниң миллий рейтинги енгизиледи.
2025-жыл 1-сентябрьден мәмлекетлик хызметкерлердиң өз көнликпелерин турақлы раўажландырып барыўы ҳәм олар арасында өз-ара сөйлесиўди күшейтиў бойынша "Мәмлекетлик хызметкер" мобил қосымшасы иске қосылады.
