Оның атап өтиўинше, демографиялық өсиў экономикалық раўажланыўдың драйверине айланады, бирақ энергия нәтийжелилиги, транспорт ҳәм суў ресурсларын басқарыў тараўларында үлкен өзгерислерди талап етеди.
ЕАРБ басшысының атап өтиўинше, регион климат өзгерислерине ең әззи қатламлардан бири болып есапланады. Прогнозларға бола, 2028-жылдың өзинде суў жетиспеўшилиги жылына 5 куб метрден 12 куб метрге шекем болыўы мүмкин. Суў ресурсларының үлкен бөлеги инфраструктура ескиргени себепли жоқ болмақта. Банк ирригация системаларын модернизациялаў, суўды үнемлейтуғын технологияларды енгизиў ҳәм суўды санлы есапқа алыў жойбарларын қаржыландырыўда қатнаспақта.
Подгузов географиялық фактор тәсирин айрықша атап өтти: регион океан портларынан 3 мың километрден аслам узақлықта жайласқан, бул саўда қәрежетлерин 20-40 процентке арттырады ҳәм экономикалық өсиўди жылына 1,5 процентке шекем төменлетеди. Транспорт байланыслылығын арттырыў, соның ишинде, логистика қәрежетлерин азайтыў ҳәм саўданы жеделлестириў ушын коридорлар тармағы - Евроазия транспорт каркасы концепциясын әмелге асырыў шешим болыўы мүмкин.
Банктиң баҳалаўынша, "Шығыс - Батыс" бағдарларынан тысқары "Арқа - Қубла" жөнелислери, сондай-ақ, регион мәмлекетлерине Қубла Азия ҳәм Персия қолтығы базарларына шығыў имканиятын беретуғын Трансаўған коридоры әҳмийетли болып есапланады.
Орайлық Азия елеге шекем дүньяның ең тез өсип атырған регионларынан бири болып қалмақта. 2026-жылы бес мәмлекет экономикасының жәми көлеми 600 миллиард долларға жетиўи мүмкин. Соның менен бирге, келешектеги раўажланыў тийкарғы қәўип-қәтерлер - демографиялық өсиў, транспорт байланыслылығы ҳәм суў ресурслары менен тәмийинлениўди шешиў менен тиккелей байланыслы.
