Транспорт министрлигиниң хабар бериўинше, "Ўзавиация" агентлиги тәрепинен Өзбекстан Республикасы ҳәм Малайзия Мәмлекети арасында ҳаўа қатнаўы ҳаққындағы ҳүкиметлераралық Келисимге тийкарланып 2025-жыл 3-февральда “Air Asia X Berhad” авиакомпаниясына Өзбекстан Республикасына Куала-Лумпур - Ташкент - Куала-Лумпур жөнелисинде турақлы авиақатнаўларды әмелге асырыўға рухсатнама рәсмийлестирип берилди.
Еслетип өтемиз, бүгинги күнде еки мәмлекет арасында турақлы авиақатнаўлар “Uzbekistan Airways” АЖ (ҳәптениң сәршемби ҳәм екшемби күнлери) ҳәм “Batik Air” (ҳәптениң дүйшемби, жума ҳәм шемби күнлери) тәрепинен Ташкент - Куала-Лумпур жөнелисинде ҳәптесине жәми 5 қатнаў әмелге асырылмақта. Сондай-ақ, 2024-жылы Өзбекстан ҳәм Малайзия арасында жәми 49 749 жолаўшы тасылған.
