Сөйлесиў алдынан еки мәмлекет арасындағы бирге ислесиўдиң кейинги жылларда сезилерли жеделлескени және өз-ара исеним ҳәм дослық қатнасықлары стратегиялық шериклик дәрежесине шекем артқаны атап өтилди.

Еки мәмлекет халықларын бир-бирине байланыстырып туратуғын тарийхый, дәстүрий, мәдений қәдириятлардың уқсаслығы мәмлекетлераралық байланыслардың раўажланыўында үлкен әҳмийетке ийе екени атап өтилди.

Сондай-ақ, тәреплер экономикалық бирге ислесиўди кеңейтиў, аймақлараралық ҳәм мәмлекет исбилермен топарлары арасындағы саўда байланысларын буннан былай да раўажландырыў мәселелерине де айрықша итибар қаратты.

Сөйлесиў ўақтында 2026-жыл Өзбекстан ҳәм Венгрия арасындағы мәденият, илим ҳәм инновациялар жылы деп жәрияланғаны да атап өтилип, тәреплер еки мәмлекетте бир қатар ири илажларды өткериў мәселелери бойынша пикир алысты.

Соның менен бирге, парламентлераралық қатнасықларды избе-из раўажландырып барыў ҳәм мәмлекет басшылары дәрежесинде ерисилген келисимлерди әмелге асырыў өз-ара бирге ислесиўди беккемлеў бойынша өз-ара пикир алысылды, деп хабар бермекте Олий Мажлис Сенатының баспасөз хызмети.