"Казинформ" халықаралық мәлимлеме агентлигиниң мәлим етиўинше, тәреплер еки мәмлекет суўғарыў системаларын модернизациялаў мәселесин додалап, вегетация дәўирине шекем биргеликте оңлаў жумысларын алып барыўға келисип алған.
"10-январь жағдайына бола, Қырғызстан ҳәм Өзбекстан тәрепинен жиберилген 2 миллиард куб метрден аслам суў Чордара суў сақлағышына келип түскен. Өз гезегинде, бул суў Арқа Арал ҳәм Қазақстанның Қызылорда ўәлаятындағы көллерге түскен", - деп жазған агентлик.
Атап өтилиўинше, Қазақстан делегациясының ўәкиллери Өзбекстан тәрепине усы мәмлекеттиң мәмлекетлик уйымлары менен келисилген суўды бөлистириў ҳаққындағы келисим жойбарын тапсырған.
