Ушырасыўда “Yojef Varadi Wizz Air Abu-Dhabi” компаниясы Ташкент - Абу-Даби - Ташкент жөнелиси бойынша пәрўазларды көбейтиў, Наманган ҳәм Үргенш қалалары менен авиақатнаўларды жолға қойыўдан мәпдар екенин, сондай-ақ, Өзбекстан аймағында қоспа авиакомпания шөлкемлестириў перспективаларын мәлим етти.

Транспорт министри И.Маҳкамов “Wizz Air” авиакомпаниясына Өзбекстан ҳәм Венгрия арасында тиккелей авиақатнаўларды жолға қойыў ҳәм усы жылдың ақырына шекем Ташкент - Будапешт - Ташкент жөнелиси бойынша турақлы рейсти шөлкемлестириўди усыныс етти.

Еслетип өтемиз, алдынырақ Малайзияның “AirAsia X” авиакомпаниясы Өзбекстанға турақлы пәрўазларды әмелге асырыў ушын рухсат алған еди.