Өзбекстан Республикасы Президентиниң 2023-жыл 31-майдағы 81-санлы Пәрманы ҳәм Министрлер Кабинетиниң 2024-жыл 25-ноябрьдеги 783-санлы қарарына муўапық, қоршаған орталыққа тәсир дәрежеси бойынша тийисли болған хожалық жүргизиўши субъектлер:

I категория - 2026-жыл 1-январьға шекем;

II категория - 2026-жыл 1-июльге шекем;

төмендеги талапларды орынлаўы шәрт:

атмосфераға патасландырыўшы затларды шығарыўды анализлейтуғын автоматикалық мониторинг станцияларын орнатыў ҳәм оларды экологиялық қадағалаў уйымлары менен интеграциялаў;

жоқары нәтийжели шаң-газ тазалаў қурылмалары ҳәм локал тазалаў қурылмаларын орнатыў, сондай-ақ, барларын модернизациялаў;

санитариялық қорғаў зоналарын автоматластырылған стационар бақлаў постлары менен үскенелесин.

Нызамшылыққа муўапық, бул миннетлемелерди орынламаған субъектлер қоршаған орталықты патасландырғаны ушын компенсация төлемлерин 5 есеге арттырған ҳалда төлейди.

Буннан тысқары, "Атмосфера ҳаўасын қорғаў ҳаққында"ғы нызамның 24-статьясына муўапық, күтилип атырған қолайсыз метеорологиялық шараятларда кәрханалар патасландырыўшы элементлер шығарылыўын азайтыў ямаса пүткиллей жоқ етиў илажларын көриўи шәрт.

Экология ҳәм климат өзгериўи бойынша миллий комитет барлық кәрханалардан усы жылдың 1-декабрьине шекем атмосфераға патасландырыўшы элементлерди шығарыўды 2 есеге қысқартыўды талап етеди.

Бул талапты орынламаған кәрханалар Экология ҳәм климат өзгериўи миллий комитетиниң қарары менен: 10 жумыс күнинен көп болмаған мүддетке ўақтынша тоқтатылыўы ямаса "Экологиялық қадағалаў ҳаққында"ғы Өзбекстан Республикасы Нызамының 22-статьясына тийкарланып белгиленген тәртипте сапластырылыўы мүмкин.

Сондай-ақ, экологиялық миннетлемелерди орынламаған кәрханаларға Өзбекстан Республикасы Ҳәкимшилик жуўапкершилик ҳаққындағы кодекстиң 851, 95 ҳәм 1976-статьяларына муўапық ҳәкимшилик шаралар қолланылады. Атмосфера ҳаўасының патасланыўына себеп болған кәрханалар Өзбекстан Республикасы Жынаят кодексине муўапық жынайый жуўапкершиликке де тартылыўы мүмкин.