Оған муўапық, аналитикалық ҳәм изертлеў структураларының жумысын шөлкемлестириў бойынша муўапықластырыўшы кеңес жанында өз алдына юридикалық шахс статусына ийе болмаған Изертлеўлерди қоллап-қуўатлаў қоры шөлкемлестириледи.
Қордың қаржылары Өзбекстан Республикасы Тиклениў ҳәм раўажланыў қорында өз алдына ашылған есап бетлеринде топланады ҳәм Муўапықластырыўшы кеңес тәрепинен белгиленген тәртипте жумсалады.
Төмендегилер Қор қаржыларын қәлиплестириў дәреклери есапланады:
- Өзбекстан Республикасы Тиклениў ҳәм раўажланыў қорынан 25 миллион АҚШ доллары муғдарындағы бир мәртелик бийғәрез төлеми;
- халықаралық, сырт ел ҳәм жергиликли шөлкемлердиң грантлары ҳәм қәўендерлик қаржылары;
- Қордың ўақтынша бос турған қаржыларын коммерциялық банклердиң депозитлерине жайластырыўдан түсетуғын дәраматлар;
- нызамшылық ҳүжжетлеринде қадаған етилмеген басқа дәреклер.
Қор қаржылары төмендегилерге бағдарланады:
- Координаторлық кеңестиң жумыс бағдарлары бойынша изертлеўлерди әмелге асырыў;
- аналитикалық материалларды таярлаў ҳәм изертлеўлер өткериў ушын грантлар ажыратыў;
- экспертлик, изертлеўге байланыслы ҳәм басқа да хызметлерди көрсетиўши жергиликли ҳәм сырт ел физикалық ҳәм юридикалық шахслардың хызмет ҳақысы ушын төлемлерди әмелге асырыў;
- таллаў ҳәм изертлеў бағдарында дүзилген ўақтынша жойбарлаў топарларының жумысын қаржыландырыў;
- социаллық сораўлар ҳәм жәмийетшилик пикирин үйрениў бойынша изертлеўлерди әмелге асырыў;
- аналитиклер ҳәм қәнигелерди оқытыў ҳәм олардың маманлығын арттырыў;
- басылымлар, әдебиятлар, мағлыўматлар базалары ҳәм изертлеўлер нәтийжелерин таярлаў ҳәм сатып алыў және оларға жазылыў;
- илимий-изертлеў тараўындағы конференциялар ҳәм басқа да илажларды шөлкемлестириў ҳәм олардың жумысында қатнасыў қәрежетлерин;
- Муўапықластырыўшы кеңестиң жумысын қоллап-қуўатлаў бойынша басқа қәрежетлерди қаплаў.
Қор қаржыларының мақсетли ҳәм нәтийжели жумсалыўы үстинен қадағалаў Муўапықластырыўшы кеңес тәрепинен әмелге асырылады.
