Режеге бола, мәмлекетлик аккредитациядан өткериў төмендеги басқышлардан ибарат:
- 1-басқыш - арзаны рәсмийлестириў.
- 2-басқыш - билимлендириў сапасын ишки баҳалаў.
- 3-басқыш - билимлендириў сапасын сыртқы баҳалаў.
- 4-басқыш - мәмлекетлик аккредитация бойынша жуўмақлаўшы қарар қабыл етиў.
Билимлендириў бағдарламаларын арнаўлы мәмлекетлик аккредитациядан өткериў ҳаққындағы арзалар келеси оқыў жылында жумысын баслаў ушын ҳәр жылы 1-октябрьден кейинги жылдың 31-январына шекем қабыл етиледи.
Арзаға төмендеги ҳүжжетлер қосымша етиледи:
- лицензия ямаса юридикалық шахстың гүўалығы нусқасы.
- арзаны көрип шығыў ушын белгиленген муғдардағы жыйымлардың әмелге асырылғанлығы ҳаққындағы мағлыўматнама;
- мәмлекетлик аккредитация процесслерине бириктирилген жуўапкер хызметкердиң мағлыўматлары;
Арзалар 15 жумыс күнинде көрип шығылады.
Билимлендириў бағдарламасы "мәмлекетлик аккредитациядан өтти" деп тән алынғанда, арнаўлы мәмлекетлик аккредитациядан өткенлиги ҳаққындағы сертификат 1 ҳәпте мүддетте бериледи ҳәм усы билимлендириў бағдарламасы бойынша кадрлар таярлаўға руқсат бериледи.
