Атап өтилгениндей, шериклик Беларусь компаниялары, атап айтқанда,
"Гомсельмаш" ҳәм "МТЗ" ислеп шығарыўшылары қатнасыўында
аўыл хожалығы техникасын ислеп шығарыўды локализациялаўды раўажландырыўды
нәзерде тутады. Олардың өнимлери Өзбекстан майданларында ири узеллер арқалы
жыйналмақта.
Техниканы жергиликли шараятқа бейимлестириўге айрықша итибар
қаратылмақта. Ҳәзирги ўақытта Өзбекстанда регионның климат ҳәм агротехникалық
өзгешеликлерине мөлшерленген пахташылыққа қәнигелестирилген машиналарды ислеп
шығарыў жолға қойылған.
Бундай
жойбарлардың әмелге асырылыўы агросанаат комплексин модернизациялаў, аўыл
хожалығы өнимдарлығын арттырыў ҳәм импорт техникаларға байланыслылықты
азайтыўға хызмет етеди.
Экспертлердиң
пикиринше, Өзбекстан ҳәм Беларусь арасындағы кооперацияның кеңейиўи регионда
өндирис шынжырларын раўажландырыў, жаңа жумыс орынларын жаратыў ҳәм
технологиялық алмасыўды күшейтиўге хызмет етиўи мүмкин.
