Тәреплер еки тәреплеме саўда-экономикалық бирге ислесиўди буннан былай да раўажландырыў перспективаларын додалады.
Мекке қаласында өткерилген «Makkah Halal Forum 2026» көргизбесиниң унамлы нәтийжелерине айрықша итибар қаратылды. Давронбек Қурбонов бул платформа Өзбекстанның ҳадал өним ислеп шығарыўшыларына араб мәмлекетлери базарларына шығыў ушын әҳмийетли имканият бергенин атап өтти.
Сөйлесиўлерде тәреплер исбилерменлер арасында тиккелей байланысларды жолға қойыў ҳәм бирге ислесиўди жаңа басқышқа алып шығыў ушын қоспа илажлар шөлкемлестириў зәрүрлигин атап өтти. Атап айтқанда, Өзбекстанда Мекке исбилерменлериниң қатнасыўында бизнес-форумлар ҳәм В2В ушырасыўларын өткериў усыныс етилди ҳәм қоллап-қуўатланды.
Өз гезегинде, Тхамер Альбаъзим быйыл Меккеде "Өзбек өнимлери ҳәптелиги"н өткериў басламасын алға қойды. Бул платформа еки тәреплеме саўда-экономикалық байланысларды кеңейтиўдиң нәтийжели қуралына айланатуғыны атап өтилди.
Ушырасыў жуўмағында тәреплер қысқа мүддетте жуўапкерлерди тайынлаў ҳәм усынысларды әмелге асырыў бойынша әмелий жумысларды жеделлестириўге келисип алды. Ерисилген келисимлер Өзбекстан ҳәм Мекке арасындағы өз-ара пайдалы бирге ислесиўди тереңлестириўге хызмет етеди.
