Ҳүжжетте халықты шаўқымның зыянлы тәсиринен қорғаўдың улыўма қағыйдалары,
бул тараўды мәмлекет тәрепинен тәртипке салыў тәртиби, мәмлекетлик уйымлардың
ўәкилликлери ҳәм пуқараларды қорғаў илажлары белгиленбекте.
Нызам менен шаўқымның тәсир етиў нормалары, пуқаралардың тынышлығы ҳәм
нормал дем алыўын бузатуғын ҳәрекетлердиң дизими, сондай-ақ, бундай
бузылыўларға жол қойылмайтуғын ўақыт аралығы белгиленбекте.
Жумыс күнлери саат 23:00 ден 07:00 ге шекем рухсат етилген дәрежеден
артық шаўқым шығарыў қадаған етиледи. Дем алыс ҳәм жумыс исленбейтуғын байрам
күнлери шеклеў 22:00 ден 09:00 ге шекем әмел етеди.
Турақ жай
имаратларындағы турмыслық ҳәм хожалық жумыслары, қурылыс жумыслары, техника ҳәм
транспорттың шаўқымлары нызам тәсирине түспекте.
Адамда үлкен
қәўетерлениў пайда етпейтуғын, функционал системалар ҳәм адам организминиң
шаўқымға сезгир органларында үлкен өзгерислерге алып келмейтуғын ҳәм санитария
қағыйдалары ҳәм нормалары менен белгиленетуғын шаўқым дәрежеси жол қойылатуғын
деп есапланады.
Денсаўлықты
сақлаў министрлиги жанындағы Санитариялық-эпидемиологиялық
тынышлық ҳәм жәмийет саламатлығы комитети ўәкилликли уйым етип
белгиленди.
Пуқаралар шаўқым
тәсири ақыбетинде жеткерилген зыян ушын суд арқалы компенсация талап етиўи
мүмкин болады.
Ҳүжжет Нызамшылық
мағлыўматлары миллий базасында жәрияланған ҳәм 11.12.2026-жылдан күшке киреди,
деп жазады «Norma».
